Mama Dharma Educational & Charitable Society

മമ ധർമ സേവാ വിഭാഗത്തിന്റെ നേതൃത്വത്തിൽ ആലപ്പുഴ ജില്ലയിലെ പാണാവള്ളി പഞ്ചായത്തിൽ ആലുങ്കൽ ബസാറിൽ പ്രവർത്തിക്കുന്ന അംഗനവാടിക്ക് റൈറ്റിങ് ബോർഡ് കൈമാറി. നിരവധി കുഞ്ഞുമക്കൾ പഠിക്കുന്ന ഈ അംഗനവാടിയിൽ കുട്ടികളെ എഴുതിപ്പഠിപ്പിക്കാൻ ഒരു ബോർഡ് ഇല്ല എന്ന വിവരം മമ ധർമ പ്രവർത്തകർക്ക് ലഭിച്ചത്തിന്റെ അടിസ്ഥാനത്തിലാണ് വൈറ്റ് ബോർഡ് വാങ്ങി നൽികിയത്. മമ ധർമ സേവാ വിഭാഗം ട്രഷറർ ശ്രീ.ഷൈൻ, വാർഡ് മെമ്പർ ശ്രീ രാജേഷിന് ബോർഡ് കൈമാറി. ടീച്ചർ ശ്രീമതി.സീമ , മാതാപിതാക്കൾ തുടങ്ങിയവർ ചടങ്ങിൽ സന്നിഹിതരായിരുന്നു മാനവ സേവാ മാധവ സേവാ ( സേവന വാർത്ത: വിദ്യാശ്രീ പദ്ധതി തീയതി :16.10.2022 സ്ഥലം : ആലപ്പുഴ)

മമ ധർമ്മ സേവന വിഭാഗം അതിന്റെ ധാർമ്മിക - സേവന പ്രവർത്തനങ്ങൾ ആരംഭിച്ചിട്ട് രണ്ടു വർഷങ്ങൾ പിന്നിടുന്നു. യോഗോപാസന കേന്ദ്രത്തിന്റെ ആഭിമുഖ്യത്തിൽ സൗജന്യ യോഗ ക്ലാസുകളും"മമ ധർമ്മ " സേവന വിഭാഗത്തിന്റെ നേതൃത്വത്തിൽ നിരവധി സാമൂഹിക സേവന പ്രവർത്തനങ്ങളും കഴിഞ്ഞ രണ്ടു വർഷ കാലമായി നടത്തിവരികയാണ്. മാനവന്റെ ശാരീരിക- മാനസിക- ബൗദ്ധിക- ആത്മീയ വികാസത്തിനുള്ള സമഗ്ര പദ്ധതിയാണ് യോഗ വിദ്യ. ഭാരതത്തിലുൽഭവിച്ച് ലോകമെങ്ങും പടർന്നു പന്തലിച്ചു കൊണ്ടിരിക്കുന്ന ഈ മഹാ ശാസ്ത്രം ജാതി - മത - വർഗ- വർണ - ലിംഗ - രാഷ്ട്ര ഭേദമന്യേ ഏതൊരു മനുഷ്യനും ജീവിതത്തിൽ അനുഷ്ഠിക്കാവുന്ന ഒരു പരിശീലന പദ്ധതിയാണ്. വ്യക്തികളിൽ ശാന്തിയും, സമാധാനവും, സന്തോഷവും നിറയ്ക്കുക. ഒപ്പം ആരോഗ്യ പൂർണമായ ഒരു സമൂഹത്തെ സൃഷ്ടിച്ചെടുക്കുക എന്നതാണ് യോഗശാസ്ത്രത്തിൻ്റെ ലക്ഷ്യം. കഴിഞ്ഞ കുറെയേറെ വർഷങ്ങളായി കേരളത്തിലെമ്പാടും വീടുകൾ, ഫ്ലാറ്റുകൾ, സ്കൂളുകൾ, സ്ഥാപനങ്ങൾ എന്നിവിടങ്ങളിൽ നേരിട്ടെത്തി തികച്ചും സൗജന്യമായി യോഗശാസ്ത്രത്തെ പഠിപ്പിച്ചു കൊണ്ടിരിക്കുന്ന ഒരു സ്ഥാപനമാണ് യോഗോപാസന കേന്ദ്രം. 'ഓരോ വ്യക്തികളിലും, കുടുംബങ്ങളിലും യോഗവിദ്യയുടെ പ്രശാന്ത സുന...