Posts

Showing posts from January, 2023

മമ ധർമ്മ " ശതം സമർപ്പയാമി " പദ്ധതി

Image
  മമ ധർമ്മ " ശതം സമർപ്പയാമി " യിൽ അംഗമാകൂ.... 🙏സേവനപാതയിൽ നമുക്ക് ഒരുമിച്ച് നീങ്ങാം ... പ്രിയ സാധകരേ, ആത്മ പ്രണാമം🙏 ഹിമാലയൻ സിദ്ധാശ്രമ യോഗ സാധക കേന്ദ്രവും,  സേവാ വിഭാഗമായ മമ ധർമ്മ എജ്യൂക്കേഷണൽ & ചാരിറ്റബിൾ സൊസൈറ്റിയും ചേർന്ന് സംഘടിപ്പിക്കുന്ന സാമൂഹ്യ സേവാ സഹായ നിധിയാണ് 'മമ ധർമ്മ ശതം സമർപ്പയായി'. യോഗ - തന്ത്ര - ആധ്യാത്മിക ഉപാസനകൾ ചെയ്യുന്ന സാധകർ തങ്ങളുടെ മാസ വരുമാനത്തിൽ നിന്ന് കുറഞ്ഞ് 200 രൂപയോ അല്ലെങ്കിൽ തങ്ങൾക്ക് കഴിയാവുന്ന തുകയോ സേവാ പ്രവർത്തനങ്ങൾക്കായി എല്ലാ മാസവും സമർപ്പിക്കുന്ന പദ്ധതിയാണ് ശതം സമർപ്പയായി. ഇതിലൂടെ സമൂഹത്തിലെ രോഗികൾ, അശരണർ, മറ്റു സഹായം അവശ്യമായവർ എന്നിവരെ തന- മന-ധന രീതിയിൽ സഹായിക്കുക എന്നതാണ് നമ്മുടെ ലക്ഷ്യം. ഹിമാലയൻ സിദ്ധാശ്രമ യോഗ സാധക  കേന്ദ്രം (HSYSK ) കുണ്ഡലിയോഗം, വജ്ര ശക്തി കല ധ്യാനം, യോഗ, ലഘു തന്ത്ര ഉപാസനകൾ എന്നീ ആധ്യാത്മിക വിദ്യകൾ, ജാതി മത വർണ്ണ സ്ത്രീ പുരുഷ വ്യത്യാസമില്ലാതെ സമൂഹത്തിലെ  മുഴുവൻ ജനങ്ങളിലേക്കും എത്തിക്കുന്ന ഒരു സംഘടനാ സംവിധാനമാണ്. ഈശ്വരോപാസനയ്ക്കൊപ്പം തന്നെ, സഹജീവികളെ സഹായിക്കുക എന്നതും പുണ്യകർമ്മമാണ്. നര സേവ തന്നെയാണ് നാ...

മമ ധർമ്മ സേവാ വാർത്ത : ജനുവരി 2023

Image
  ചികിൽസാ സഹായ നിധി കൈമാറി 2023 ജനുവരി മാസത്തിലെ മമ ധർമ്മ സേവാവിഭാഗത്തിന്റെ സേവന പ്രവർത്തനങ്ങൾക്ക് 4.1.2023 ന് ആലപ്പുഴ ജില്ലയിൽ തുടക്കം കുറിച്ചു.  മമ ധർമ്മയുടെ മൃതസഞ്ജീവനി സേവാ വിഭാഗത്തിന്റെ ആഭിമുഖ്യത്തിൽ ആലപ്പുഴ സ്വദേശികളായ ഷാജി, ബൈജു എന്നിവർക്ക് ചികിൽസാ സഹായ നിധി നൽകി കൊണ്ട് മമ ധർമ്മ സെക്രട്ടറി യോഗാചാര്യ എ.വി. കൃഷ്ണകുമാർ സേവാ യജ്ഞത്തിന്റെ ഉത്ഘാടനം നിർവഹിച്ചു. ഷാജി ഹൃദ്രോഗിയാണ്. ഹൃദ്രോഗ ചികിൽസ പുരോഗമിക്കുന്നതിനിടെ കരൾ, വൃക്ക സംബന്ധമായ അസുഖങ്ങളും പിടിപ്പെട്ടു. മാസം 3000 രൂപയോളം മരുന്നുകൾക്കായി വേണം. കൂലിപ്പണിക്കാരനായ ഷാജിയ്ക്ക് രോഗബാധിതനായതിനാൽ ജോലിയ്ക്ക് പോകാൻ സാധിക്കുന്നില്ല. മമ ധർമ്മ എളിയ ചികിൽസാ സഹായം നൽകിയതിനൊപ്പം വരുന്ന മാസങ്ങളിലെ ഷാജിയുടെ  മരുന്നുകളും വാങ്ങി നൽകാൻ തീരുമാനിച്ചു. ബൈജു കെട്ടിട നിർമ്മാണ തൊഴിലാളിയാണ്. ജോലിയ്ക്കിടെ തലയ്ക്ക് ഗുരുതരമായ പരിക്കേറ്റ് ആശുപത്രിയിലായി. കുടുംബത്തിന്റെ ഏക അത്താണിയായ ബൈജുവിന് ജോലിയ്ക്ക് പോകാൻ കഴിയാത്തതിനാൽ കുടുംബം സാമ്പത്തിക ബുദ്ധിമുട്ടിലായി. മമ ധർമ്മ സേവാ വിഭാഗം ബൈജുവിന് ചികിൽസാ സഹായം നൽകുന്നതിനൊപ്പം വരും മാസങ്ങളിൽ കുടുംബത്തിലേയ്ക...